唔好意思

引子：

星期二我哋喺fb fan page 度post 過以下呢段說話：
NaughtyPandaz 呢兩日真係就快比一個supplier 激死!!!話說我哋幫兩位朋友仔訂咗貨，個supplier 29 號嗰日話寄出，但我哋上courier 網度只見到courier 收咗件，但跟住呢？同失蹤一樣!!! 其實我哋同呢兩位朋友都一樣咁急，連續催咗3 日，但呢個supplier 比嘅「官方」答案真係令到我哋不能再容忍，所以我哋決定take him out of our supplier list !! 寧願今次一毫子都唔賺，都唔要再令各位等咁耐!! >_< 
*******************************************************************************************************

我哋要喺呢度同嗰兩位朋友仔講聲唔好意思 >_<

終於，今日見到貨品應該於呢兩日內到港！！但一日未到手，我哋一日都唔可以鬆一口氣，真心希望唔好再有任何變數 >_<

對於因為今次事件要等咗咁耐嘅朋友仔，為表誠意，我哋提供咗即時折扣優惠作為補償。真係好唔好意思>_<

2012.4.10-15 Pandaz ♥ Tokyo !! - 預備篇

因為下年想去韓國玩，朋友send 咗一篇blog 比我參考人哋嘅行程，令到我自己都想寫返一篇blog，for 自己將來參考又好，或者比其他想去Tokyo 自由行嘅朋友參考也好，當係我嘅回憶錄啦。

我同男友係今年4 月中去Tokyo，出發前一個半月已經開始揭下D 旅遊書，mark 低大家想去嘅地方。對上一次NaughtyPandaz 去Tokyo 已經係2006 年嘅事，當時同屋企人去，所有行程都係屋企人plan 好晒，今次第一次plan，老老實實，真係有D 難度：

難度1：日本D tube 超亂，睇到眼花。好怕轉錯車/ 搭錯車/ 唔記得落車，好緊張

難度2：盤穿有限，要計定車錢

難度3：太多地方想去，如何計算好時間，點行先可以用最短嘅時間，睇到最多嘅嘢呢？

眼見上一次去台北男友所做嘅行程咁精美，我NaughtyPandaz 點可能會輸比佢呢？

我哋今次係坐Delta 機，早機去，下晝機返，ok wor

以下係我哋嘅行程：

Day 1：HK-> Narita -> Hotel Wing Int'l Shinjuku -> 秋葉原 -> 錦系町(視乎情況) -> 新宿

Day 2：新宿 -> 自由之丘 -> 涉谷 -> 池袋 -> 新宿

Day 3：新宿 -> 橫濱 -> 元町商店街/ 八景島 trip -> 六本木

Day 4：新宿 -> 築地市場 -> 淺草

Day 5：新宿 -> 上野 -> 淺草/ 銀座/ 有樂町

Day 6：新宿 -> Narita -> HK

*********************************************************************************

以下呢幾樣，我覺得一定要介紹比各位：

1. 上網：而家個個都用iPhone/ Android，冇得隨時上網真係有D 唔慣，所以出發前問過當時喺日本working holiday 緊嘅tweet 友，佢介紹b-mobile 1GB。大家可以去呢度參考下。
   
   
   Yahoo 拍賣上面有好多人有呢D 租卡service，價錢比用香港service provider 嘅data roaming 1 day pass 平起碼一半，又可以share network 出嚟比其他機用。不過如果你唔係好似我同男友咁，24/7 因為公事而要收到電話同whatsapp 的話，呢part 係可以慳返
   
   
2. 交通：之前提過日本嘅tube map 超級混亂，所以tweet 友就介紹我去呢度check 定D 車嘅開出時間、交通時間、路線同車錢。呢個網幫咗好大好大忙！！！如果冇呢個網，我真係唔知點算！我點對點搵晒最慳錢同最好嘅路線之後，screen cap 後paste 落自己行程度。因為呢個網佢會比幾個相近嘅開出時間，同幾個唔同嘅routing 出嚟，所以我都放定幾個唔同嘅routing 落去，just in case 有咩事都可以參考下。另外係，一定要bookmark 條link 入電話(如果你預咗data roaming 上網的話)，可以隨時check 返。惟一要注意嘅地方係所有地方名係要打日文，例如淺草要打做浅草。
   
   
   
   
   
3. 有咗交通資料之後，安排行程方面簡直係easy job！

Pandaz Sharingz - 濔月屋

好耐都冇update 呢度，因為最近都比較忙，公事又好私事又好網店亦好，終於都有少少時間上嚟update 下

早幾日同朋友去北角食飯，打邊爐，我哋去咗火鍋館，去相先：

NaughtyPandaz' comment:

1. 三文魚腩刺身好。大。舊
2. 八寶丸幾好味，由其係個菠菜(?)丸，我哋今次有4 個人，都叫做ok，但如果再多人d 的話就可能單點會好D？
3. 湯底好味，我哋叫咗個菜乾豬肺湯，超正。聽說麻辣係會著火，可能因為我哋叫咗1鍋兩味，所以睇唔到
4. 我哋叫咗手切肥牛，3 個人食3 個都覺得唔得，之後佢哋送咗另一碟但第二個部位嘅比我哋試，好d 但冇牛味，有d 失望
5. overall 我只可以話覺得麻麻，下次未必會再嚟

相信好多人都知瀰月屋喺邊，NaughtyPandaz 去過天后同尖沙咀兩間分店，都係比較鍾意天后店多d

NaughtyPandaz' comment:

1. 每一季嘅menu 都唔同，而家係秋季嘅menu
2. 大福餅 ﹣胡麻 ＋ 莓，胡麻係好。好。好。好。好味
3. 花見丸子 ﹣ 糖衣包住丸子再去燒一燒，NaughtyPandaz 好鍾意食丸子，所以好有偏見地覺得超好味
4. 琥珀冰流 ﹣ 有少少似冷麵feel，唔算凍，涼涼地，有少少酸酸甜甜
5. 抹茶翠粉草莓方 ﹣我唔係咁鍾意green tea，no no no
6. 呢個唔記得叫咩，但呢個真係麻麻地...
7. 蘋果批 ﹣apple pie... is... an apple pie

4 個人眼闊肚窄，個蘋果批同6 號仔都食唔晒，下次都係唔好叫咁多lar

迷思

最近好多人問我：

1. 點解係咁賣samples？乜呢D 都有人買ga 咩？其實有冇人買ga？
2. 一個samples 先賣得嗰幾蚊，幾時先搵到第一桶金？
3. 點解唔開普通fb account 去add 人，而係去開fan page？
4. 又yahoo 網店又fb，做唔做到咁多嘢？
5. 有冇諗過專賣某一類嘢？而家好唔知點咁

以上所有問題，由我一開始開yahoo 網店時已經喺度諗。

1. 大家都知，而家買一支有牌子嘅foundation/ serum 都起碼要幾百，喺專櫃試當然個sales 會講到天上有地下無，但佢哋又唔會比你試完之後送samples 比你ga wor，除非你有幫襯啦。其實我都只係將心比己，因為我都試過幾百蚊買咗支serum 返屋企用咗幾次之後就冇再用，嘥鬼晒。如果我心思思想買，但又唔唔sure 其實啱唔啱自己，我都會肯比幾蚊出嚟買嚟試。
   
   
   另外，其實如果要去旅行，帶samples 去係好方便同乾淨，用完即棄
   
   
2. hmmm 都係將心比己，你會唔會比多過$20 去買一包仔嘢？事實上我都唔係賺好多，試諗下好多samples 我都係包平郵，1 包sample 當我賣$6 for example，郵費已經$1.4，仲有信封呢，可想而知我真係唔係賺大家好多，所以我真係唔明點解有D 人可以咁搞笑，想買1 包$6 包平郵但都仲想講價。
   
   
3. 我都知page 同普通account 分別喺邊，但因為考慮到fb 成日都改privacy settings，而本人其實寧願like fan page rather than 為買嘢而去 add 一個唔識嘅人。
   
   
   以而家嘅privacy settings 為例，如果而家要我add 一個「人」，我又要set 佢入list，如果你平時冇同佢有咩interact，佢有update 又未必會show 出嚟。最重要嘅係，我唔會想一個我唔識嘅人可以睇到我d 嘢，要我專登去搞又覺得好麻煩
   
   
   另外係，普通account 個名其實係唔可以作commercial 用途，我店名應該比fb list 咗入去，我都搞咗好耐最後都係揀咗fan page
   
   最緊好多人都同我講我應該係開account，我真係好迷，每一日都問自己係咪真係應該add d 客呢？我又唔想又由頭開始 >_<
   
   
4. 我都想有人可以分擔一下 -_- 真係好攰，但每當見到大家比我嘅好評時我覺得所有嘅
   
   
5. 我都有諗過，但目前為止都未有idea，反而覺得而家做住生活百貨都幾好吖

為咗自己想要嘅嘢，我要繼續努力！

Pandaz Sharingz - 100 bites

因為最近呢幾個星期不斷地食食食甜點，又因為NaughtyPandaz 實在太鍾意食甜點lar，所以我決定開始寫一d 根據我自己感覺去評分嘅甜品blog(唔好信晒我呀)，希望大家都可以分享下=]

上次已經寫咗The Coffee Academics，咁我就唔再寫lar，早前去咗100 bites，呢間一定要介紹：

100 Bites

地址：旺角亞皆老街8號朗豪坊10樓21-25號舖

電話：2191-6638

NaughtyPandaz 評分 (5分滿分)

外觀：4.5

味道：4.5

價錢：4

4 件蛋糕，2 杯茶，埋單大約HK$230

100 bites 係under 滿記集團，但其實如果佢唔講我真係唔知，cos it's nothing like 滿記 >_>

喺碟上嘅所有裝飾係全部都食得ga，連d 小花都食得ga，但聽說係要兩件或以上先會有呢d 咁靚嘅decorations

老闆娘(?) 喺我同朋友影完相後走埋嚟，同我哋簡單講解d 蛋糕入面有咩同享用嘅先後次序。由berries tart 一路食到最後係chocolate，每一件都好有層次。

其實如果老闆娘(?)唔走埋嚟講一次，我估我哋會東一舊西一忽咁食

呢間100 bites 係今期NaughtyPandaz highly recommended !!

忙裡偷閒

又到每個星期最開心嘅時候：忙裡偷閒偷食cake !!

今日去咗位於銅鑼灣耀華街一間嘅新開(?)嘅cafe，The Coffee Academics，佢係Cafe Habitu 旗下一間新嘅cafe，因為我鍾意坐outdoor，而呢間有幾張枱喺outdoor 嘅(話就話係outdoor，但只係冇窗，有瓦遮頭嘅)

今次我坐indoor，cafe 入面裝修好正，有少少似laboratory，一入門口嘅左手邊有個房仔，有一部炒coffee beans 嘅炒豆機喺入面

明顯地，呢度係mainly serve coffee，同埋少少dessert ＋輕食，而我因為第一次嚟，犯咗一個好嚴重嘅錯誤，就係我飯都未食就走入嚟！！！好肚餓呀！！！！！

Menu 

除咗唔明點解個salad d 菜條條都咁長唔切一半外，其實都幾好味，唔明點解openrice d 人會比咁多個喊樣

今餐lunch 兩個人食咗$3xx ！！！ 下次我唔會再空肚行入嚟ga lar >_<

a little bit about 網店創業

原來唔覺唔覺，仲有一個月呢個網店就一年lar！！好開心好開心！

今日睇咗有關霆鋒嘅訪問，覺得好inspiring，亦令我諗返呢一年內發生嘅事。

其實喺呢一年入面，我覺得自己好似成熟咗(XDDDD 自我讚美)，睇嘢唔同咗。

其實一直都好想有自己嘅舖頭，奈何租金實在太恐怖lar，而我亦好清楚自己唔係做服務性行業嘅人(如果有人face to face 問我一d 白痴、冇腦、同想challenge 我嘅問題，我一定做唔到停一停諗一諗 >_<)

Anyways，當初開舖其實只係想放下一D 自己用不著嘅嘢，hea 住做當pocket money，去到近呢幾個月，覺得好似真係有得做，就開始起勢做research、做sourcing、同人傾入貨同合作，問返英國嘅朋友拎一大堆做網店嘅資料，雖然係好辛苦，但見到評分一日一日咁增加，第一個月已經有錢賺，真係超開心。

今日見到一位朋友 (FB fan page: Le Cupcake HK)(雖然未見過佢，但試過佢所做嘅cupcakes，超good !! Highly recommended !!) 今日嘅status 上都話：

網上創業, 雖不用承擔租金等沉重成本... 但也不要看輕"一腳踢"的經營力量!!!

seriously，唔好睇輕「一腳踢」呢3 個字，其實sourcing 同research 唔係用得最多時間，最麻煩、用得最多時間係幫D 貨影相同做廣告！堅辛苦！成日都以為可一個鐘內做好嘅永遠都會overtime >_< 未認真開始做舖前我每晚最夜都2330 前就上床瞓，到而家如果可以0030 前瞓到就應該還神。

朋友問點解為咗幾蚊而咁辛苦？有自己嘅舖頭係我一直以嚟嘅dream，and now it's not a dream anymore，見住網店慢慢長大，我覺得it will be a real thing 1 day, and I know that day is coming real soon!! 嚟緊會試喺英國入貨，至於入咩？成事的話就會公開 =D

Alright, so I still need your support, 唔該叫多D 朋友like 我個fan page，另都請support 下以下朋友嘅fan page：

包包烘焙

@DOG

Le Cupcake HK

Last but not least, credit 返比幫我design logo、name card、同埋profile pic 嘅朋友，邪仔，有需要我可以introduce ga !!

唔得lar 我，好眼瞓，要瞓lar，nite nite !!

陶珠小手工

上星期趁住有幾日假期，去咗上陶珠首飾...

未開始前以為好易，因為可以喺指定時間內任做，做到幾多就可拎幾多返去，等我個心仲諗住整一套(necklace + bracelet + earring) 咁拎走...

原來做陶珠係一件好攰嘅事，由將d 陶泥搓鬆開始，到整花紋，再搓自己想要嘅形狀，樣●樣●都●要●力 >_<

老師教咗我哋做5 瓣同6 瓣花，其實我覺得唔整花，就咁將兩隻唔同嘅顏色撞埋一齊出嚟類似雲石紋咁都幾靚吖

喺1 個鐘頭入面整咗咁多，之後就要拎去燒

呢d 係我今次嘅作品。我拎比好多人睇過，一開始會話「嘩，好靚呀」之後嗰句就係「點解對對都大細邊嘅？」

嗱，你咁樣講好唔encouraging lor >_< 

其實我仲想再整，想喺屋企整，但最衰冇爐，唔知有冇d細爐賣同幾錢呢?如果有人知道的話唔該話我知吖

自從整完陶珠之後，就好想再整accessories... 所以尋日就走咗去SSP入貨...

今次所有嘢都係現成，唔會再大細邊ga lar >_< 等我整完之後再post 出嚟 la