dialogue in the dark 黑暗中對話

朋友(s)因為電影About Time 嘅原故(聽說)，搵到「dialogue in the dark 黑暗中對話」呢間嘢

其中一個朋友因為某d 原因去唔到，所以剩低嗰個搵我頂上 (呵呵)

聽說飯局book 位都要排兩個月 (太恐怖lar....)，因為佢每個月只會搞一次飯局(每次最多24位)，其餘時間，如果你想去體驗下盲人嘅生活都可以去試下，我哋今次去只係食飯

一開始會有個briefing，所有發光嘅物件，包括電話、手錶同眼鏡一律要放喺出面d locker 度，入去前每人會獲分派一支所謂嘅盲公竹，之後就會被帶到去一條好暗(仲有少少光) 嘅通道先適應... 跟住... 就係入去一間真真正正伸手不見五指嘅房 >_<

講真，當去到一個咁黑嘅環境入面，而你又唔係黐牆行的話，係一件超級無敵恐怖嘅事!!! 仲要本身一入去我係死"where" 住朋友件褸，但因為我實在太無安全感，成日好驚會有級樓梯，所以行行下當職員話「你右手邊有幅牆時」，我就甩咗我個friend !!!! omg!!!! 真係企咗喺度，好彩之後自己慢慢行都搵得返佢 XDDDD

如果有睇過「那年冬天風在吹」的話，都知道每餐王秘書都會同宋慧喬講由3點到9點方向有D 咩食物。每張枱都會有一個專人嚟serve，當所有人都settle down 之後，職員就會同大家講，你哋左邊有d 乜，右邊有d 乜，前面又有d 乜咁，一開始大家要學下斟水.... 個個都好似梁朝偉喺「地下鐵」呢套戲入面咁，插隻手指入杯睇下滿未 XDDD

我自己覺得食嘢呢part 係最難，從未試過食salad 係可以食多過5 分鐘!!!! 食到尾聲d 菜成日都好似有腳走咁，點都食唔到；食豬扒就唔知點解切極都有條筋!!!!! 最開心就係dessert，呢個真係0 難度... 去到飲餐茶時，mc 要我哋幫隔離位斟.... 死lar... 熱嘅仲要比人，冇得插隻手指落去，大家都靠估，結果... 我只係斟得一啖咁大把落去個杯比我個friend，佢拎上手以為有大半杯，落咗成包糖 XDDDDDD

成個過程其實真係好開心，可能因為冇咗對眼嘅關係(定係因為我太餓呢?)，雖然出返嚟見到個樣會覺得好普通，但我覺得所有嘢都好好味。亦因為今次嘅experience，對盲人嘅生活同喺生活上遇到嘅難題多咗了解

如果唔係因為佢book 個位要派兩個月，同埋唔係咁貴的話，我係會再去多次 >_<

日本代購

la la la la la~~~ 好開心好開心好開心~~~

NaughtyPandaz 生活百貨日本代購部門開通lar，感謝偽日本人朋友(笑)搭路 =D

嚟緊我哋將會搜羅更多得意、可愛、而又實用嘅貨品比大家，密切留意喔

Pandaz Sharingz - yummy 煲仔飯

尋晚去咗銓滿記餐廳小廚，忍唔住真係要share 下

一直以嚟都以為同覺得，最好食嘅煲仔飯係喺廟街，但如果你試過呢間銓滿記餐廳小廚之後，你應該會同我一樣唔會再去廟街食ga lar

價錢同廟街差不多，但份量同quality 絕對比廟街好

兩個人，叫咗：

• 金銀蒜粉絲扇貝煲仔飯
• 西蘭花炒帶子花枝片
• 兩個餐各送一盎老火湯

NaughtyPandaz' comment:

1. 湯有冇落味精，實質我真係唔識分 XDDD 只係覺得好好飲
2. 西蘭花炒帶子花枝片d 帶子都唔係細粒，都幾多下
3. 煲仔飯要由飯心食起 (好似自己捧住個西瓜食咁，你唔會摷散晒先食ga?) 咁食的話最後會成個底都係飯焦！！！！！冇燶！！！！！
4. 扇貝有3 大粒，堅大，完全係值回票價，太好味lar
5. 埋單都係＄190！！！！！！！！

彊屍

上星期三急不及待睇咗期待已久嘅「彊屍」，尋晚睇埋威尼斯影展足本版，如果問我，兩個版本有咩唔同... 可能我唔夠細心啦，我覺得好似差不多，有D 細節位足本版係多D

整體嚟講，我覺得以第一次嚟講，算拍得唔錯，好靚，惟一要講嘅係effects 落得稍微多咗d... 有好多時要真係好細心留意故事發展，同埋所有佈置，先會跟得上知講緊d 乜... 可能有人未睇，所以而家唔想講大多，以免劇透

只想講，呢一套戲係唔恐怖(個人認為)，不過係超血腥!!!! >_>  所有演員都好好戲，讚

同朋友上星期三睇完，出嚟時大家都好多問號，經過一番討論之後，大家都覺得清晰好多，惟一係唔係好明點解個結尾會咁... 如果有人知道的話，請指點

相信，當佢出碟時，我應該都係會乖乖放低錢買返隻留念ga lar (笑)

Pandaz Sharingz - About Time + Voice of Korea 2

最近睇咗套戲，係繼P.S. I love you 之後我會買碟同書嘅戲：

 About time

未上之前已經好想睇，睇完之後覺得，雖然男女主角都唔係話靚到dum 一聲，但真係做得好好，我覺得成套戲唔悶，完全冇悶位，去到中後段有少少眼濕，可能因為本人眼淺，每次一去到有屋企人要離世嘅位就會想喊...

---------------------------------------------------------

最近喺屋企真係得閒嘅時候，就會追返Voice of Korea 2 嚟睇，最主要原因當然係因為有Kangta la XDDDDDDD

雖然本人係好少好少好少好少睇電視，之前做咩超級巨聲呀、乜嘢星光大道、乜乜星夢傳奇都有睇過兩眼咁，但同Voice of Korea 比，無論賽制、選手質素、評審嘅評語、剪接、娛樂性我都覺得比香港任何一個同類型嘅節目高，人哋真係一開始係blind audition，靠聲去判斷呢個人入唔入圍，之後先見樣，感覺上比教公平，唔再比樣同年齡作為入唔入到圍嘅先決條件

coaches 之間d 對話都好好笑，香港真係做唔到

Pandaz Sharingz - 咖啡弄 Coffee Alley

我同男人3 周年紀念時，去咗男人一直好想去而又一直去唔到嘅咖啡弄  Coffee Alley 食

嗰日好似係星期六，我大約1900 去到，已經有成50 張枱喺我前面等緊 (實在係多人到離晒譜)!!

• 水果茶
• 柑橘茶
• 總匯三文治
• 香草雞肉巧巴達
• 芝麻雪糕waffle

總匯三文治：感覺好fresh，好多菜，好味

草雞肉巧巴達：本身我唔係咁鍾意herbs... 所以對呢個麻麻，但salad 好味，新鮮

芝麻雪糕waffle：waffle 好厚，好鬆軟，但亦因為佢太厚，而本身我哋食完兩個sandwich 之後已經有少少飽，所以只係食咗2/3 就食唔落，黃色嗰pat 係栗子蓉，唔太甜，正

兩個人，其實如果想試埋dessert，係唔應該叫兩個sandwich ga... 因為佢d 份量都真係幾大份下

好想好想試咖啡弄嘅，記得事先要食少少嘢打底先好去排隊，真係餓死都未排到你!! 另外係，排排下隊佢哋會無啦啦出嚟點名咁，好彩我冇走開過，唔知走開咗點名見你唔到就當你走咗？

Pandaz Sharingz - 一蘭

其實本來都唔想開一蘭，一來覺得冇乜好講，二嚟唔想講d 阿媽係女人嘅廢話，不過頭先講完達磨，不如順手打埋啦

好似係上兩個星期入面一個weekday 去，7 半排到8 半，一個鐘，都算ok la，排到咁上下會有staff 比張紙仔你，幾多人就幾多張咁，以為去到門口應該好快有得食，原來都仲要喺舖入面再屈多次蛇先真真正正坐低食

裝修同日本都好似，連個toilet 都好似!!! 都係有n 卷toilet roll !!!! 亦都有部機話你知邊度有位

之但係呢度同日本唔同，唔係自己入錢買飛，坐低後揀麵嘅硬度、湯濃度同油膩度 etc etc... 而係你排緊嘅時候，個staff 就會比張紙你揀，有少少似香港豚王咁，排到你時會有staff 帶你埋去坐，食完出cashier 比錢 (居然有souvenir 賣... >_>)

hmmm.... 如果有去過日本而又有去過一蘭食過嘅人，都會藐爆香港一蘭... 我自己覺得香港一蘭個湯唔會好似日本咁，食完個咀會有一種黏黏嘅感覺，另外，個湯好淡口，淡到有d 似落多咗水咁嘅味

如果，要我比$88，排一個鐘去食一碗由外賣包拆出嚟煮比你食嘅拉麵，我寧願自己買一盒返去自己煮都冇咁嬲，伏，中一次就夠lar，一蘭，都係留返去日本時先食啦

Pandaz Sharingz - 達磨

達磨都去過好幾次，一直以嚟對達磨嘅印象分都好好，直至尋日，我去到呢間，我真心覺得失望

今次我哋叫咗：

• 醬油牛蒡
• 炸餃子
• 達磨一品拉麵
• 叉燒豬骨湯底拉麵

其實所有嘢問題真係唔算大，我自己本人覺得牛蒡係鹹咗少少，餃子冇事(其實真係好難出事lor... 除非真係自己包)

尋晚兩個拉麵入面嘅木耳，真心覺得好核突，好潺，潺到好似有層鼻涕膠住咁!!!!!!!!!!!!! 我叫我阿姨快d 試下，佢食少少都覺得核突，即刻同waitress 反映，waitress 即刻問師傅，個師傅居然話：

「係咁ga wor」

下？

下？

下？

真係咁？

雖然我唔係拉麵達人，亦唔係一年有起碼200 日都食拉麵，但起碼我唔會唔知木耳係咩texture 同味呀？我喺香港同日本都冇試過食到咁潺嘅木耳lor

佢哋見我哋聽完之後，對碗嘢郁都唔想再郁，就主動過換過比我哋，橫掂都未真係開始食，咪換lor... 點知...

第2 碗都係潺!!!!!!!!!!!!!!!!!!!!!!!!!!!!!!!!

拿，機會就人哋比，唔好話我口賤同picky，除咗木耳之外，我其他都食晒... 其實... 有得揀的話，我係連碗麵都唔想食lor... 個waitress 喺中段仲走埋嚟同我哋解釋話佢哋有特別調味... 咁... 真係好特別lor...

喺等緊嘅時候，我哋隔離枱對情侶都有問，點解佢哋d 湯咁淡，d staff 又話係咁

質素下降呢個已經係事實，我最唔明係成兜木耳都係咁，有客投訴，點解仲可以換比人時再加落個碗度lor... 係咪真係咁想我面對呢個現實？ >_<

P.S....

我將呢單嘢同一個朋友分享，佢居然同我講：

明明樣係木耳但像加咗米青咁？

妖... 我而家好不安lor

合作???!!!!!

上星期五我收到個email，subject 係以我其中一件貨品名為題，我以為係一d 唔夠評分嘅yahoo 買家send 比我，內容如下：

想長期合作，可否回電xxxx-2188(14:00-19:00)或留低聯絡電話方便詳細溝通

我在Yahoo拍賣上看到您有部份產品挺適合我們的客戶，因此想與您研究一下長期合作。用Email比較難講明白，可否留低聯絡電話，我們電話溝通

最後我比咗我一個平時用作交收嘅電話佢，同我講合作，但內容係同email 一樣，跟住deadair...

(以下簡稱J)
我：咁請問你所指嘅合作係咩？你而家所講嘅係同email 入面嘅一樣
J：我公司想同你合作，每一件貨品可以比返HK$70 你，即係如你放一件貨品上yahoo，原本賣HK$100，你而家可以放HK$30，當有買家買咗件貨之後，你除咗喺買家度得到HK$30 之外，我哋公司會比返HK$70 補貼你。另外仲會有兩項增值服務送比你：英文堂同 xxxxxx (我已經唔記得係咩)
我：你所講呢兩個增值服務我都冇用... 如果你有留心同仔細睇過我所賣嘅嘢，有好多根本就低過HK$70，咁如果貨價得HK$50 咁點？
J：我哋target 係補貼HK$50 - 70，所以如果你貨價係HK$60 的話，公司會比返HK$50 你，而你mark HK$10 喺yahoo 就可以
我：但我唔明點樣比返/ 收返呢HK$70你公司
J：當有客人購買你嘅貨品，我哋會代收錢同交收，之後會連埋補貼比返錢你
我：咁請問係月結定係點？
J：開始嘅時候為咗建立大家互信嘅關係，會盡快比返你 (明顯回避同唔答我問題)
我：我想先睇下你公司資料先，你可唔可以比多次你公司名我？
J：我一陣會email 公司資料比你.... (跟住就係一輪咀講自己之前同咩咩公司合作過)

好lar，當我收到個email 時，係有個powerpoint，上網search 公司名係search 到一間大陸公司(但個網502 bad gateway)，上政府網頁check 商業登記係search 唔到ga !!!!

雖然之前都有一d 想搞網拍嘅公司聯絡過我，但人哋嗰d 始終我都有聽過，而且有得search 嚟睇下，但好似呢間咁真係第一次!!!

一間公司，講得好好聽，話有補貼，又話有增值服務，講實，邊度有咁大隻蛤乸隨街跳? Send email 唔用公司email，連個商業登記都係假，要我相信你/ 你公司，先比貨你代交收同叫個客入錢落你公司戶口先都難lor

真係唔好聽到有人話想搵你合作你就咁快lur 飯應呀 >_>

如果有人想知邊間的話可以留言問 =P

----------------------------------------------------------------------------------------------

我哋有自己嘅網站lar !!! http://www.naughtypandaz.com

NaughtyPandaz.com 終於都出世lar !!!!

搞咗勁耐，由最初整咗大部份之後發覺做錯咗，到再整整到差不多整好，去到後尾發覺原來唔比錢佢係做唔到checkout，放棄，再用第2 個system 去整，錯咗，從做到而家.... 應該都有2 個月???!!! 今日終於都可以推出嚟比大家睇下!!!

NaughtyPandaz生活百貨

首先，要同之前比我煩過嘅人道歉... 真係唔好意思，事關... 我真係一個白痴嚟ga XDDDDD

做呢個網，一嚟係覺得喺fan page post 嘢，要搵真實在太難，始於有個網會好d；二嚟係方便大家買嘢，可以即刻用paypal 比錢，同時又可以貯分，下一次再購物時可以即刻換返嚟當錢用

最後，當然係想target overseas 嘅朋友!! 所以我用咗好多時間去做translation

如果大家對我呢個網有咩意見，都可以DM 我話我知ga =]

要靚唔要命 - Elyze Coolsculpting 體驗 (part 4)

由第一次做Coolsculpting (2013.5.15) 到而家為止，過咗4 個月，覺得都係時候要做返個總結...

To be fair，before & after Elyze 都有幫我度身，做收緊時其實都覺得自己真係有瘦到，係唔度都感覺到

但係到最近，發覺好似開始回復返原狀咁... 事先聲明，呢段時間入面，我係冇暴飲暴食、勁食肥、夜瞓... 生活完全同之前係一模一樣

唔係因為Elyze 任何人做過d 咩而我會咁講，而係我真心咁樣覺得...

點解我會咁講呢，發生咗兩件事，所以令到我咁諗...

1. 我發覺同一條牛仔褲，由之前鬆好多，到而家好似回復原狀咁...
2. 個肚仔之前目測係細咗，但而家又真係好似同做之前係冇分別

其實... 仲有另一件事.... 就係早兩個星期去Dermes 做laser 時，我同當初介紹我做嘅治療師講我join 咗Elyze，之後問佢覺得keep 唔keep 到...

原來佢淨係個肚都買咗24 格!!!!!!!!!!! O_O oh my god.... 仲有其他細節，但唔公開講啦... 而家摸 + 睇落去，同一年前比較係鬆咗同漲咗... 當然，我又唔係同佢住，唔知人哋生活習慣係點，冇得咁比較...

唉... 惟有就係，當買個教訓，減肥真係唔可以懶 -_-

Pandaz Sharingz - 南小館 & Cafe & Meal Muji

最近好宅，返工放工返屋企/ 返學返屋企咁樣，都好少出街，早幾日試咗兩間「新」嘢(其實可能開咗好耐，只係我真係成日喱喺屋企所以唔知....)

南小館

簡單D 講，佢係翡翠拉麵小籠包d friend，以為大家都係咁上下(no offence，我其實都好鍾意食翡翠拉麵小籠包ga)，但佢比翡翠拉麵小籠包多好多其他嘢同驚喜：

麻醬羅馬

蟹粉小籠包

老干媽炒年糕

生煎包

NaughtyPandaz' comment:

1. 我覺得小籠包好普通，下次唔食都冇所謂
2. 生煎包同老干媽炒年糕係必食，由其係生煎包，個包入面有好多湯，包底好脆又冇燶，好味
3. 麻醬羅馬好清新，食完個人好舒服

Cafe & Meal Muji

感覺好日本，其實本身一行入Muji 感覺同去到日本差不多，Cafe & Meal Muji 服務好貼心，雖然佢係好似food court 咁要自己出去叫完比錢自己拎返埋位，當staff 帶你埋位時，佢會即刻拎個「reserved」牌幫你霸住先，所以當你行開叫餐時都唔怕比人坐咗個位

第一次去，完全唔知有咩食，拎起個menu，見到有20+ 款食物揀，但出到去原來熱食同沙律分別都係得8 款選擇，你可以揀3 ($88)或4種 ($98)，另有一款咖哩飯選擇

今次我哋每人都叫咗個4 「送」飯，大家都配咗十殼米飯(好味!!)

NaughtyPandaz' comment:

1. 份量睇落好似得好少，但其實食到一半已經有飽嘅感覺
2. 沙律 (由其係南瓜甜薯沙律) 真係好好味
3. 雖然係food court 嘅佈局，用餐後要自己將餐具放返去返回處，整體感覺都好乾淨
4. 食肉獸可能真係唔係好啱，因為大部份都係蔬菜 =]

要靚唔要命 - Elyze Coolsculpting 體驗 (part 3)

因為上一次成績太好，所以等到尋日先再上Elyze 做收緊療程

尋日上到去先度身，兩個幾星期，比上一次又每一度瘦多兩吋＋ ！！！！！！！！！

HAHAHAHAHAHAHAHAHA

太開心了！！

今次掛住傾計，唔記得影相tim，下次補返

收緊療程其實即係做機，真係好舒服。治療師會先擦D 油(jelly?) 上肚仔，再用一個roller 咁嘅嘢係咁轆個肚，會有少少熱，但全程都係好好好好好舒服，差不多一個鐘到就完成

book 咗月尾再去做多次收緊，下一次一定要記得影相！

要靚唔要命 - Elyze Coolsculpting 體驗 (part 2)

自從上一次去完Elyze 做完Coolsculpting 都差不多成3 個幾星期，尋日上返去做跟進

去到先換衫度身，治療師問我自己有冇覺得瘦咗，問心嗰句，我真心覺得自己肚仔係平咗少少，但又未去到理想個位咁lor... 佢就話覺得瘦咗好多 (其實我有少少唔信 =S)

真係唔係講笑，今次只係度個肚，上中下咁度，預鬆冇拉緊把尺，每個位都瘦咗起碼2吋!!!!!! 最多係2.75吋 !!!!!!!!!!! OMG OMG OMG!!!!!!! 唔睇吋數真係唔知原來跌咗咁多!!!!!

呢3 個星期入面，頭2 個星期做完Coolsculpting 個位會好痕，好似好乾嗰隻痕，擦極嘢都唔知點解咁痕，係正常嘅，第1 個星期會有D 麻痺感覺，去到第2 個星期都冇晒lu

我自己喺頭兩個星期一得閒都會係咁撳係咁「鍊」嗰個位，想佢快d 瘦 XDDDD 感覺上做完Coolsculpting 後，去便便係順咗同埋多咗，以前未必日日有，可能隔日，但而家係日日都要去，另外，亦有可能因為我早排每日一西柚嘅原故，所以先瘦得咁快 (其實真係冇戒口ga >_>)

尋日最後都冇做到收緊住，因為治療師原先冇諗住會落得咁快，所以約咗兩個星期後先做，到時再睇下效果會唔會仲更加驚喜先 =D

葉子的離開

葉子的離開

作者    雨愁

葉子的離開  是風的追求  還是樹的不挽留 
人們常說        感情沒有對錯
然而    感情偏偏就有對錯
當他要離開的時候
即使你花了再長的時間
再多的等候    都不見他有轉圜
說走就走
葉子飄落了    風帶走它
樹來不及挽留它
感情走了        拼命抓住
無奈他依舊要離開
所以    應該看淡了
淡了    讓自己好過些
忘了    讓自己輕鬆點
不用在緊緊握住那不屬於自己的感情
放手    才能有下一次的幸福

復合，是一個新開始，還是新一個痛苦的循環﹖

復合，是一個新開始，還是新一個痛苦的循環﹖

愛情，是一連串哲學問題的集合，但通常在我們還未好好思考那些問題之前，我們就要面對了。在我二十三歲的生日那天，他向我提出復合。

「可以再給我一個機會嗎﹖」香檳色玫瑰後的他，眼神誠懇得令我不能相信他。

我仔細打量這個提着香檳色玫瑰的男人，這個我時刻想念的男人，居然莫名其妙地感到陌生。原來對一個深愛的男人感到陌生是這麼恐怖的事，恐怖得令我回憶裡的世界徹底崩解，恐怖得我幾乎再次在這個男人面前崩潰。

空氣彷佛突然變得稀薄，我用力抽了幾口不新鮮的空氣，勉強滿足了我生存與思考的基本需要。最重要的是，這幾口空氣制住了我嚎啕大哭的衝動。

「不可以再給我一個疼惜妳的機會嗎﹖」用字不同了，用意一樣。

我用沉默換取多一點思考的空間。

我時刻想念的他，真的是面前這個他嗎﹖回憶裡的他不會認錯、不會後悔、不會送花、不會記得我的生日…面前這個拿着香檳色玫瑰的他，真的是我認識的那個他嗎﹖其實分開也有半年了，他不可能沒有改變吧﹖事實上，我也熬過了失戀的療程，不再是那個只會哭哭啼啼的小女孩，我也可以在半年內改造自己，他也可以吧﹖

可是，我沒有義務接受、適應他的改變。

「真的不可以嗎﹖」他將那束花放下，擺到他的大腿旁，將打動我的武器由鮮花轉換到言語。

如果我跟他復合，我們真的可以重新開始嗎﹖這會是一個新開始，還是新一個痛苦的循環﹖沒有人知道復合的結果，但被傷害過的女人，只能夠從肯定的答案中獲得安全感，哪怕那所謂肯定的答案只是一堆荒謬的謊話。

「不可以。」再跟一個傷害過自己的男人一起，風險太高。

他用沉默換取多一點思考的空間。

「我們不可能的了，真的。你知道嗎﹖一個傷害過自己的男人，很難再為女人提供她們渴求的安全感。」

「就算我徹底地改過，也是不可能嗎﹖我已經不是以前的我，難道我們就不能夠重新開始嗎﹖」

「重新開始﹖我怎可能忘記你對我做過的一切﹖根本就不可能重新開始，就算兩個人之間發生過甚麼事，開始也只會得一個，永遠也只會得一個。」

他露出了愧疚與失望的神色，而那束玫瑰已經不能帶來任何的浪漫氣氛。也許他原本對這次復合是勝券在握的，因為他壓根兒不明白女人的心事，也不相信我可以堅持得可以拒絕他與他的玫瑰。事實上，失戀可以令女人變得堅強，直至她們遇上另一個他為止。

「對不起……但 我真的不可以失去妳。」他說過最傷我心的話，也說出了我最希望聽到的說話。可是，我不可能因為他一句「我真的不可以失去妳」就賭上自己的幸福，就算我有多愛他，復合也不單純是愛或不愛的問題，而是幸福的問題。事實上，我越是愛他，就越不能跟他復合，因為就算我有多堅強，也已經再抵不住來自我深愛男人的傷 害。

我已經不能再信任他。

「我可以就這樣跟你道別嗎﹖」我不想再跟他糾纏了，因為我不想心軟，也不想被他看到我的眼淚。

他沉默，但他這次沉默沒有換來誰的思考空間，只換來了一個沉默的告別。

「我愛你，真的。」我目送他跟他的玫瑰離開，在我跟他的背影作了最後的告白後，我的二十三歲生日就正式終結，正如我跟他的一切，永遠也不會回來。

靚靚Pandaz - Clarisonic Mia 2

大約半年前睇一個tweet 友嘅blog，tweet 友嘅朋友介紹佢用Clarisonic 洗面機，用完之後如何如何容光煥發...

搞到我心思思，所以3 個月前我都買咗個，不過呢個唔係最新版...

之前聽說喺日本買Panasonic 洗面機(?) 有咩導出導入功能，其實我真心唔明即係點玩同有咩功效... 所以兩者之間我揀咗Clarisonic

其實熟悉我嘅人都知，我係一個好懶嘅人，懶到真係要做mask 都懶，做facial 又嫌嘥時間 >_< 用Clarisonic 洗面，每次只需要1 分鐘嘅時間，就算係朝早趕住返工都可以做到日日洗面 =]

我當時係喺Salala Beauty 買，但我買嘅係水貨，所以比較平同埋冇warranty，其實而家Time Square Lane Crawford 同埋Joyce Beauty 都有賣，包warranty 但價錢相對貴少少。如果喺Salala Beauty 度買而用用下壞咗的話，就要自己contact 返美國總公司嗰邊lar

Clarisonic Mia 2 買嘅時候有：

• Cordless Clarisonic Mia 2
• 臉部清潔刷 (Low及Normal 2個速度)
• Compact pLink® Charger - 充電器
• Sensitive Brush Head - 敏感肌用刷頭
• 1 oz. trial size Refreshing Gel Cleanser - 1 oz. 清爽啫哩洗面乳
• Protective Travel Case - 專用保護套

成部Clarisonic 洗面機都waterproof，所以就算唔小心跣手跌咗落水都唔怕。另外，機身係冇任何電線，可以行到邊洗到邊

用法好簡單：

1. 用暖水簡單整濕 + 清潔下塊面
2. 放少少洗面乳落刷頭
3. 開機
4. 成個洗面過程裡面，部機會有3 次提示聲，我自己會由額頭 -> 鼻 -> 下巴 -> 面 咁順次序洗落去
5. 沖水洗面同埋洗返個刷頭
6. 如果皮膚偏乾的話記得每次用完記得一定要勁搽補濕

用後感：

開初我係用佢跟機嗰支洗面乳，但係用咗一個星期到，個面勁生瘡，所以停用個幾星期之後睇下點，之後轉用另一隻洗面乳之後情況好好多，可能我個面同跟機嗰支做唔到friend la...

每次用完之後都會覺得好乾淨 XDDD 但因為本身皮膚有少少缺水，所以都要擦返D lotion，如果唔係就會覺得好乾