放假

今日發生咗一件小事... 其實都唔算小... 又或者可能係自己將件事放得太大... anyways，係咩事唔想喺度公開講... 但我諗我係咪應該要放自己一個假期呢？

由11 年尾開始，我喺yahoo 開咗NaughtyPandaz 呢個網店，到而家做咗年幾，老實講，頭半年真係冇乜點努力... 一直都抱住順其自然嘅心態去做，但去到最近，由其係呢個月入面，我真係覺得好攰，我並唔係想話自己網店生意好好(只可以話拉上補下有少少profit)，但自己一直以嚟所追求嘅work-life balance 好似越嚟越遠，每一日放工返屋企後都係幫貨品影相、post 上網、做research... 

其實我有好多嘢想做，但到呢一刻我真係覺得好攰，我明白成功係要付出代價，但有幾多人明白，其實我而家所付出嘅代價，我有起碼一半係為第二個人付出埋呢？

我唔介意人哋話我計較，因為我自認。事實上我真係好討厭嗰d 坐喺度坐享其成嘅人。

有時我會諗，而家所付出嘅，將來係咪一定會有回報呢？而我要付出幾多先會有些少reasonable amount 嘅回報呢？

我承認今日我做錯咗，願意同呢位朋友仔道歉。