Pandaz Hitz

Tuesday 16 April 2013

2012.4.10-15 Pandaz ♥ Tokyo !! - Day 3

Day 3 行程超緊密,我哋兩個真係倒咩咁早就起身,因為今日我哋要遠行,去橫濱!!!

對於兩個除咗Tokyo 之外,其他地方都未去過,而又日文又唔識多句/ 隻字嘅人嚟講,我哋可以順利去到+ 返到酒店,簡直就係創舉,真係好在有高人教我哋上網搵晒路線先ja...

原本我有兩個plan,兩邊都想去:
  1. 元町商店街 + DIY 杯麵
  2. 八景島 Sea Paradise + Bayside Marina
但問過朋友之後,發現原來呢兩個地方係唔可以一日之內去晒,所以最後我哋揀咗去 Sea Paradise。

去橫濱其實問題不大,都係一程車就到,但要去八景島,就要喺橫濱轉車去金沢八景站,再行去金沢八景站(橫濱新都市)!!!! 真係大鑊 -_- 我哋冇諗過原來係要出閘之後再行5-10 分鐘... 好在都算係一條直路,如果唔係真係唔知點算... @_@

金沢八景站

去到金沢八景站(橫濱新都市)後轉坐無人駕駛車去八景島,沿途風景好靚,唔知係咪因為係平日,而且可能真係遠咗少少,我哋見唔到有旅行團去,周圍都係日本人 (仲好!! 唔洗同人迫!!)




Sea Paradise 分兩邊,一邊以海洋生物為主,另一邊係機動遊戲,我哋喺海洋館由11點玩到3 點先叫做初步玩完,所以下次如果再去橫濱的話,真係要考慮stay 一晚

海洋館分3 個館,中間嗰個其實有少少無聊,其中一個係可以比錢1,000 去摸海豚/ 鯨魚 + 影相!!!! 佢哋有分時段,每一次帶10group 人入去(入去時係唔可以帶任何嘢,所有嘢要lock 喺locker),即每次都唔會多過20人到,有一個小小嘅talk,因為我哋唔識日文,估計應該都係話海豚同鯨魚習性,跟住就會教你做一個手勢,指令海豚同鯨魚做某d 動作,最後就係逐個去摸摸海豚同鯨魚,佢哋會用公家機幫你影張相留念,完晒之後你可以去買返張相

Sea Paradise:横浜・八景島シーパラダイス


晚餐去咗六本木嘅權八,好多明星(Lady Gaga, Johnny Depp) 都嚟過



食物真係超好味,但價錢其實都唔平ga wor,而且我哋其實係早幾個星期已經網上reserve 咗枱先有幸食到,估計如果唔一早book 定的話walk in 應該冇乜可能lar

呢度有一個staff 係識得講英文,仲要講得幾好,可能因為呢度成日都有外國人嚟掛

因為朋友book 枱時同老闆講咗當日係佢生日,所以食到咁上下,舖頭突然熄晒燈,有幾個staff 拎住盤special dish 出嚟送比朋友 XDDDD


2012.4.10-15 Pandaz ♥ Tokyo !! - Day 2

Day 2 行程:

新宿 -> 自由之丘 ->涉谷 -> 表參道 -> 池袋 -> 新宿

上年我去嘅時候,有幸見到櫻花開,如果想賞櫻的話,要預早做定research,聽說花期好短ga ja


shopping 嘅嘢大家可以睇返自己想去邊,參考旅遊書,所以都唔多講lar。想介紹一個食蟹放題嘅地方(NaughtyPandaz 唔食得,所以只能夠偷返男友影嘅相post 上嚟...):





返到酒店抖一陣,我同男友又係走咗去一蘭度食返碗麵,本來有D 想去打棒球,但後尾改喺歌舞技町散步... 跟住比我哋發現咗呢一間嘢:


所謂fish therapy,即係放對腳入一缸有好多黑色魚仔嘅水入面,比D 魚仔去咬走腳上嘅死皮。冇記錯的話好似係15分鐘1,000

我成日都好驚會踩死D 魚,所以每一次郁都要好小心唔敢大動作


每次只可以最多4 個人去浸,香港都好似有類似,但一人一缸,我仲未試過呀 >_<

認真,浸完之後對腳仔真係滑好多!!!!

Fish Therapy:Osso

2012.4.10-15 Pandaz ♥ Tokyo !! - Day 1

Delta 喺機鐵站內係counter,喺機鐵站放低行李之後,我哋就輕輕鬆鬆兩手fing fing 入機場lu

今次嘅旅程除咗我哋兩個之外,仲有另一pair 朋友去,但我哋去早佢哋一日。落機後去咗搭Narita Express。我哋買

Hotel Wing Int'l Shinjuku 係朋友介紹嘅,好近西武新宿駅。呢間酒店有staff 係識講廣東話,就算係日本人staff 佢哋d 英文係ok 溝通到嘅。

第一日行程係:

新宿 -> 秋葉原 ->錦系町 ->新宿

秋葉原好多人都知賣咩,所以唔多講lar

如果有BB/ 小朋友嘢想買的話,NaughtyPandaz 推薦大家去錦系町嘅阿卡將本舖 (Akachan Honpo),喺正錦系町車站隔離,全層都係賣BB/ 小朋友衫仔、玩具、BB車、用品、食物...


JR「錦糸町」駅北口から徒歩1分。
東京都墨田区錦糸2-2-1アルカキット錦糸町5
往北口 出了北口左邊那棟KIT的五樓就是了

今晚晚餐係去咗一蘭!!!! (聽說香港都就快開lar,唔知味道會唔會一樣呢?)