Pandaz Hitz

Tuesday 9 December 2014

Comapny's Christmas lunch @ Gordon Ramsay's Bread Street Kitchen & Bar


轉咗去新公司兩個幾月,尋日我哋去咗我另一男神,Gordon Ramsay 嘅Bread Street Kitchen & Bar

Jamie Oliver 嘅Jamie's Italian 一樣,都係要做online reservation,亦都係要預早好多好多好多去make reservation!!!! 我哋早差不多3 個星期就試book,尋日食完幫老闆再book,lunch 的話最快都要下年1 月8 號先有得食 T_T

Address:Mezzanine Level, LKF Hotel, 33 Wyndham Street Central, Hong Kong

Chicken Caesar salad, pancetta, anchovies, soft boiled egg, aged Parmesan

Tamarind spiced chicken wings, spring onions, coriander

Flat bread, caramelized onions, taleggio cheese, cured pigs cheek, basil pesto

Bread Street Kitchen short rib burger, Monterey jack cheese, spicy sriracha mayo 

Rib-eye steak 12oz

Battered Barramundi, crushed peas and chips
首先,價錢以lunch 嚟講,真係唔平,閒閒哋都過百

Chicken Caesar salad - 有睇過Hell's Kitchen 嘅應該都知,Gordon Ramsay 話過,整Caesar salad 係唔可以有太多sauce,喺碟度冇sauce 先合格。D 菜超甜,好新鮮

Tamarind spiced chicken wings - 雞翼同Jamie's Italian 相比,我個人比較鍾意Jamie's Italian 個味多D,感覺上Jamie's Italian 個味比較濃,辣同酸味都比較突出

Flat bread - 我唔係咁鍾意個名,可能因為有我超唔鍾意食嘅洋蔥,餅底好薄好脆

Short rib burger - Sriracha mayo 個味好得意,肉唔鞋,好juicy,有少少hand cut chips on side,一定要試,真係好好味

Rib eye - 呢個係必定要食,因為實在係超.好.味!!!! Juicy 唔在講,仲要好軟 >_< 唔落sauce 都得

Battered Barramundi - 個魚好滑,hand cut chips 同burger on side 一樣

4 個人share,食完飽到晚飯都冇食到,到而家我仲對個rib eye 極度念念不忘 T_T 如果有機會再去就好lar... 

Saturday 30 August 2014

2D1N 澳門遊 ﹣ 佛笑樓 + 滿堂彩

趁轉工有幾日假期,同屋企人去咗澳門2D1N

澳門行程唔多講,相信好多人都熟過我

今次我哋試咗兩間餐廳:

Address:新馬路福隆新街64號地下
Tel:+853 2857-3580
燒乳鴿

羊扒

葡國雞

馬介休炒飯


呢間係老爸開口話去(咁即係好想試啦),所以我喺出發前打電話book 定先,上openrice 睇D 人話乳鴿係必食,所以我哋叫咗1 隻試下先(成$145一隻o_O)



  • 燒乳鴿﹣先燒後加汁,我自己覺得麻麻地,收咁貴我expect 佢會有D amazing 嘅地方,失望
  • 羊扒﹣本身對羊0 興趣,試咗舊,no comment,因為唔識食 XDDDD
  •  葡國雞﹣其實都麻麻地呢D,雞本身OK,唔鞋
  • 馬介休炒飯﹣飯粒粒分明,好乾身,但冇乜味
整體我覺得名多於實,咁多樣嘢,4 個人(BB 得2 歲,計埋5 個)食咗$7xx (仲要加10%),下一次再去澳門唔會再去

Monday 4 August 2014

與男神約會 - Jamie's Italian Hong Kong

首先,好多人問我,點解我book 到枱... 而家book 枱實在太方便lar,去呢度,撳幾個制就book 到ga lar (當然,要睇下你有冇運啦),我28/7 上網book,當時都仲有好多時間揀,我哋揀咗今晚

Jamie Oliver 係我男神之一,另一位係Gordon Ramsay,聽說Ramsay 今年都會喺HK 開餐廳,好期待 =D

 


Jamie's Italian 喺金朝陽二期,即永光對面,記住唔好行入Times Square 對面嗰幢呀! 我哋book 咗2030,大約2015 就到,超多人排隊,早到未必有得早入,Jamie's Italian 好貼心,準備咗d ham 派比排緊隊嘅客人頂住先。一入到門口,就有個地方賣Jamie Oliver 嘅書、seasonings、餐巾... 

我哋等咗約5 分鐘到就有枱,好好彩我哋有張4 人枱,可以坐得舒舒服服,食嘢時唔洗就住就住




我哋今晚食咗:
  • Italian Spiced Chicken Wings
    唔錯,幾好味
    Italian Spiced Chicken Wings
  • Tagliatellle Bolognese
    同平時食開嘅唔同,感覺佢應唔係用罐頭做sauce
    Tagliatellle Bolognese
  • Mushroom & Smoked Mozzarella Risotto
    好淡,好水
    Mushroom & Smoked Mozzarella Risotto
  • 10oz Rib-eye Steak + Posh chips
    個steak 係超.級.好.食,我哋叫咗medium rare,好嫩好juicy,chips 有幾款可以揀,呢款posh chips 有truffle oil + cheese,唔太「漏」,我本身唔多鍾意truffle 味都覺得好食
    10oz Rib-eye Steak
    10oz Rib-eye Steak
    Posh Chips
    10oz Rib-eye Steak + Posh Chips
  • Icecream + Sorbet
    有好多款味道揀,我哋揀咗 mango icecream + salt and caramel icecream + blood orange sorbet + homemade honeycomb,個sorbet 又係超.級.好.味
Icecream + Sorbet
所有pasta/ risotto 都有大細portion 揀,開頭我哋怕大會太多,所以bolognese 我哋叫咗細portion,但食完好似冇料到,所以Steak 食到一半,就叫多個risotto

記得一定要留肚食個dessert,如果唔係一定會後悔!!!!







Monday 21 July 2014

香港人越嚟越比大陸人同化


最近(可能係我太遲鈍)發現,好多香港人行為上越嚟越似大陸人... 我唔係指會踎街、喺公眾場所大小便呢d

首先,我想講大部份香港人都係ok 嘅,我自己亦有大陸人friend,而大陸人亦唔係全部都係蝗或變態,只係唔知點解最近我遇到嘅都同嗰d 超難頂嘅大陸人無異...

最近唔知做乜,成日都遇到d 不可理喻、橫蠻無理、厚顏無恥嘅人

前幾日無啦啦比人打尖,打人尖仲可以理直氣壯唔要面咁話「讓返比我先」,以往d 打人尖嘅人比人話一係就唔出聲,一係就面懵咁走返去隊尾,但咁厚顏無恥嘅人我真係第一次見

簡唔中都會有d 客人為一定要面交而同我哋有少少爭拗,大部份嘅客人都明事理嘅,大家compromise,我好耐之前已經喺yahoo、fb 上面講過,真係太忙,冇可能單單都做到面交,亦因為之前一d bad experience,所以唔想再出到嚟先收錢,如果夾得到一定夾,但最近有個唔知係90 後定係咩新香港人(先稱呼佢做「外星人」,用埋d 外星文,咩五會呀、咩噶呀、吾呀),明顯地terms & conditions 一個字都冇睇過嘅情況下bid 走一件我上星期開始減價嘅貨,跟住死都話我應承咗佢面交

問題在於我幾時有「應承咗佢面交」? As far as I could remember,我一定冇應承過佢,佢居然cap 返4 月時我回覆另一位user 嘅問題,迫我出嚟面交,我已經清楚同呢位「外星人」解釋過,面交唔係唔得,但你要用我promotion 就要paypal 付款,如果唔係我做唔到,「外星人」竟然死都執住我「應承咗佢面交」,又自稱「我已經bid左你地噶貨品,五會走左去」(原文,冇edit)

大姐呀,back to square one,我係從來都冇應承過你任何嘢,因為你係從來都冇問過就已經bid 走咗件貨,我已經比咗2 個option 你揀,你自製第3 個option 出嚟根本唔係喺度解決問題,另外,請你唔好打算、意圖或企圖屈我先得ga,3 個月前我覆第2 位user 係話可以面交,但3 個月前唔係呢個價wor,既然你要執住呢個point,咁你係咪入數入3 個月前個價先? 唔係的話唔該你返返嚟現實啦

拿,我份人好公道,將來嘅嘢未發生的唔評論,每位客人我都比3 日入數,你走唔走數、係咪棄bid 3 日後自然會有答案,唔係你單方面話係就係,我唔會呢一刻就判你死刑

話「我就埋你」呢句都好好笑,而家係我配合你,你去任何商舖網店買嘢你都要follow 人哋terms & conditions la,食得鹹魚抵得渴,你去得人哋度買嘢,即代表你同意人哋T&C,有咩可能要人哋因為你一個人而改變(同大陸人一樣,以為比得幾個大餅你就係皇帝)

我真心覺得好無奈,點解而家d 香港人會變成咁? 係咪太多大陸人嚟香港,一出世就要同佢哋爭資源、爭樓、爭學位、爭床位,搞到香港人越嚟越野蠻、越嚟越蠻不講理?

Saturday 19 July 2014

조선총잡이



繼2 Weeks (투윅스)同埋急診男女/ 應急男女(응급남녀)之後,最緊追緊朝鮮槍手(조선총잡이)

唔知係咪睇得李準基D 劇多,硬係覺得佢D 表情同狗和狼的時間(개와 늑대의 시간)同埋一枝梅(일지매)好似 (大笑)

暫時出咗8 集,每集節奏都好緊湊,搞到我真係追住睇,未有新一集嘅日子就係咁replay 再replay

Wednesday 16 July 2014

Newsbook Limited (newsbook.net) - 不知所謂嘅收費及服務

識我嘅人都知,我係有嗰句講嗰句,用過覺得真心好嘅嘢會拎出嚟同人分享

好多時買嘢或買service 之前都會上網做research,當然而家好多blogger 已經同media 冇分別,收錢寫鱔稿,好多時大家google 都會見到好多一面倒寫某某產品/ service 點好點好,好少會見到話有d 咩唔好,老實講,我唔相信呢個世界上會有嘢係perfect

anyways,今日唔講呢d,今次想講Newsbook Limited (newsbook.net) 呢間網頁hosting 公司,真係搞到我忍無可忍

如果你正打算使用Newsbook 嘅服務,我會勸你先用5 分鐘睇下我經歷,同埋到呢度睇堆其他人嘅經歷再考慮

事先聲明,我網店hosting 並唔係用Newsbook,我係用一位推友嘅hosting,有興趣的話請另行email 查詢

朋友最近開咗間新公司,佢請咗個assistant 幫佢,聽說當日佢係唔想咁快搞domain 嘢,一嚟佢唔識,二嚟想下一步先搞(因為現階段佢只係用email service,未搞個網住),但係呢個assistant 係咁催逼,佢惟有聽assistant 講,交比個assistant 去搞,個assistant 選擇咗呢間Newsbook Limited

朋友同埋佢d 同事用咗大約一個月到,發現send / receive email 都極慢,呢間聲稱「寬頻和質量是全港最佳ISP網頁儲存商.現在資訊網絡更加發展成為全港五大商業互聯網供應商之一」嘅公司,收一個全文字嘅email (5mb 以內),居然15mins 都收唔到!!!!! 有冇可能呢?

朋友終於都頂唔順,決定要轉hosting,我介紹而家我用緊嘅hosting 公司比佢,亦都幫手將佢domain + email service 由Newsbook Limited 轉去我用緊嘅hosting 公司,惡夢就由呢一刻開始...

我2/7 打電話去Newsbook 話我想拎返朋友公司domain 嘅login + password,接電話話嘅L 小姐話,個domain 擁有人係X 小姐(即朋友嘅assistant,但已離職),叫我哋搵返X 小姐簽返份form,比返佢哋做轉名,收到form 後會email 比我,咁我哋照做,7/7 我哋send 咗份form 比Newsbook 之後,我補咗個電話去問收唔收到,Newsbook 嘅Y 小姐話收到,會盡快比domain 嘅login + password 我,但一個鐘之後,L 小姐打嚟話唔比得,因為仲有d form 未填,我完全唔明白點解仲會話有form 未填,當日係L 小姐話「搵返X 小姐簽返份form」,如果係plural 的話佢係咪應該強調要填幾多份呢?

唔緊要,我叫佢email 我填嘅form 比我,佢話我只係填咗一份比佢公司留底嘅轉domain 擁有人form,要簽返一份比Domain Registration Company,同埋一份FTP & Email Password Request密碼索取form(呢一份要收HK$300),其實我只係想將domain 擁有人X 小姐轉做under 朋友公司,我真心唔明點解我要填一份完全冇關係嘅FTP & Email Password Request密碼索取form 之餘又要收我HK$300,所以我哋選擇唔填呢份FTP & Email Password Request

9/7 朋友前assistant 自己交咗份比Domain Registration Company form 比Newsbook,而於10/7 早上L 小姐都email 咗login 同password 比我,我就交比用緊嘅hosting 公司處理,hosting 公司話,呢d 做唔到轉會,佢需要transfer code,所以我再次email L 小姐同Y 小姐,要求佢哋提供transfer code

 L 小姐即刻打電話嚟,話因為我哋未填FTP & Email Password Request密碼索取form,所以比唔到我,如果我真係要,一係填form(加比錢),佢亦都要打去問問X 小姐,先得X 小姐同意先可以做嘢

我覺得好神奇,之前要拎login + password 嘅條件係要收齊form,兩份transfer domain 擁有人嘅form 我都填好晒,理論上domain 擁有人應該已由X 小姐轉到朋友公司名下,點解仲要「問問X 小姐,先得X 小姐同意先可以做嘢」? 另外,如果我真係未交齊資料,點解Newsbook 又會喺10/7 早上比login + password 我而事後又要追我叫我交form?

另外,我想轉走個domain 去另一間hosting 公司,Newsbook L 小姐話「因為個domain 登記不足2 個月,所以唔可以轉走」,但明明個domain 係7/5 register,到當日(即10/7) 為止,已經超過60日,即係「domain 登記不足2 個月,所以唔可以轉走」根本就唔成立

我哋要求Newsbook L 小姐解釋
  1. 明明已經簽晒兩份transfer domain 擁有人form,理論上應該已成功轉到去朋友公司名下,點解仲要聯絡前擁有人?
  2. 我要求拎返transfer code/ authorization code,但Newsbook 一再強調我必須一定要簽多4 份form 先比我,其中FTP & Email Password Request密碼索取form 點睇根本就同我要求要嘅嘢完全冇關係,L 小姐聲稱,唔簽的話佢就要聯絡X 小姐,先得X 小姐同意先可以做嘢?如果填完呢份form 就等如改咗contact 同擁有人,點解呢份form 會叫做FTP & Email Password Request?
  3. 明明朋友公司個domain 登記已過60日,點解「domain 登記不足2 個月,所以唔可以轉走」?
我email 要求Newsbook L 小姐解釋以上3 點,除咗第1同2點 L 小姐回應話因為我哋冇比錢,未填返份FTP & Email Password Request,所以喺佢公司立場嚟講係未正式轉名 (但點解又會比login  同password 我呢?)

要我哋簽多4 份form 唔係問題,問題係,我簽完之後,係咪就可以拎得返我要求嘅嘢? L 小姐話,簽晒的話14 日內會比我,我見form 上面有一行寫住加快的話+HK$200,L 小姐話加錢會快3-4 日...

而第3 點 L 小姐由始至終都比唔到個合理解釋我,對於一間自稱「寬頻和質量是全港最佳ISP網頁儲存商.現在資訊網絡更加發展成為全港五大商業互聯網供應商之一」嘅公司,provide d 咁嘅服務,下下send / receive email 要多過15 mins,職員講嘢又出爾反爾,完全唔professional 之餘亦不負責任

我真心覺得好似比人撳住嚟玩,無論喺而家公司、以前嘅公司所用嘅hosting service 都未試過咁慘,要拎返少少嘢想轉會都好似要比呢間公司玩咁,完全冇留一線嘅意思

而家大家只係等14 日呢個期限到,睇下佢哋會唔會比返d 我要求嘅嘢我,如果到期都收唔到任何消息的話我會考慮從各方面去投訴

Monday 14 July 2014

Quote of the day - 2014.7.15

Whether it's the best of times or the worst of times, it's the only time we've got

Sunday 13 July 2014

樂天皇朝 ﹣ 八色小籠包

期待已久,終於都比我試到樂天皇朝嘅八色小籠包XDDDD

我係平日夜晚去,去到差不多8 點,但都有好多人排緊隊 -_- 好彩唔係等咗好耐,建議去之前打定電話book 枱先。順帶一提,未齊人的話,就算得兩個人都要等齊晒人先有得入ga

麻醬油麥菜

成都口水雞

皇朝小籠包

上海生煎包

  • 麻醬油麥菜 ﹣因為我好鍾意麻醬+菜,所以一見到呢個就二話不說要點 XD 夏天食呢個真係好舒服,油麥菜同青瓜片都好新鮮,青瓜片卷實油麥菜,就算一啖咬唔晒都唔會散開晒
  • 成都口水雞 ﹣雞算滑,都唔算好辣,但個辣醬個味同喺其他餐廳食嘅有少少唔同,點講呢,我覺得係帶鹹多過辣
  • 上海生煎包 - 同南小館相比,南小館好食好多,呢個冇乜湯喺包入面,冇乜驚喜,下次未必會再叫
  • 皇朝小籠包 - 我哋為咗大家都可以試晒咁多個味,所以每人叫咗一籠,聽落好似好多,但其實可以應付到
    食呢個小籠包建議由淡味逐個食去到最尾最濃味:
    原味 - 人參 - 鵝肝 - 黑松露 - 芝士 - 蟹粉 - 蒜香 - 麻辣

    味道方面,我覺得人參好正,可能我好鍾意人參味嘅關係;黑松露嘅味道都好濃,仲有一小片黑松露喺入面,但我個人就麻麻,覺得陣味太勁;至於蟹粉就真係麻麻
    鵝肝同芝士好似冇乜料到咁

    我覺得個皮可以再做得好D,感覺上太厚同太易穿 (我同男友嗰籠都有兩個係痴住咗,有兩個又一夾就穿...)
整體嚟講我覺得算係唔錯,價錢都ok,會再去幫襯 =D 

Monday 16 June 2014

HYPOXI 體驗

成日都的唔起心肝打呢篇體驗
2 月嘅時候去咗HYPOXI 試做佢哋嘅真空療法+壓縮療法

整個療程需時(唔計填form、聽解釋)大約一個鐘左右。

尖沙咀店有兩個浴室,提供毛巾,但我住得近,所以做完返屋企沖涼 
簡單解釋下先

HYPOXI 嘅理論係,我哋平時做運動,點解會覺得下半身好難減?因為下身離心臟太遠,往往上身「慶恰恰」,下身都好似冇乜料到咁,其實下身脂肪都未開始burn

HYPOXI 有一套特別機器同方式,對目標部位交替施加高低壓,激活脂肪堆積部位組織,壓力嘅變換有效促進血液流動,將脂肪酸由有關部位運走。



度高磅重之後,就著上一件好似太空衣、潛水衫物料嘅衫,入面有好多類似bubble wrap 嘅粒粒,開機之後,會不斷交替咁抽真空同充氣,好舒服,好似massage 咁,大約做20 分鐘左右


之後去做一部單車機,但先著住一條類似芭蕾舞裙咁嘅嘢,當你上咗單車機後,佢會閂埋個蓋,呢個時候「芭蕾舞裙」同單車機就會包實晒你下半身,呢度如果冇記錯好似要做30 分鐘,包實晒下半身嘅目的係令到下身溫度比上身高,從而令下身fat burning 速度加快。開初以為好簡單,但原來要keep 住下下RPM 都要63 以上(每個人唔同)真係幾辛苦下,落機嗰下真係有少少腳軟

每一次做完之後全日都唔可以再食carbs,仲有好多嘢,佢比咗個list 我,當然,我係冇跟足啦,因為要我忍口實在太難lar !!!

其實如果唔係因為價錢問題的話,我應該都會繼續做,因為真係唔太辛苦,而我亦覺得做完後幾個鐘下身都仲係好熱,感覺到好似真係fat burning =]

Tuesday 10 June 2014

是呀!多數是女人提分手

看了一篇文章,只看題目已感覺,是呀!多數是女人提分手。

我們女人啊,看愛情總愛得很重。一個四十多歲,站在事業高峰的男人,充滿魅力,人稱鑽石王老五;而換轉是女人,就會變成老姑婆。女人總比男人需要愛情,只有愛情和婚姻可以令女人變得幸福,所以愛情上女人總比男人恨心。

在一段看不見將來的愛情中,女人總能很輕易的抽身而出,畢竟我們青春有限,總不能在你身邊委曲求全,待到三十歲人老珠黃才分開吧?

其實我們要的很簡單,很乾脆,要不你給我將來,要不你給我自由去跟別人找將來。男人啊,你在拖拉甚麼?沒有信心給她將來,你憑甚麼留住她?只有你難過,只有你不捨嗎?明明已經不愛她了,還一起幹什麼?你覺得自己很偉大嗎?

我們對未來的幻想,都通通被無情的男人以現實駁回後,只是一兩句埋怨,就變成是大小姐脾氣嗎?

「畢竟女人的情感比較細緻,對這方面有時可以很准確,但多數都會因此放棄了很多機會」,愛你,卻看不見將來,只好離開你後,再要生要死。對不起,男人,「我自己也不知道自己想幹什麼」。

是愛,讓女人一敗塗地。


因了解而結合

因 了 解 而 結 合


戀 愛 不 妨 因 誤 會 而 邂 逅 , 婚 姻 卻 必 須 因 了 解 而 結 合 。
我 一 直 認 為 , 戀 愛 是 一 個 人 發 現 自 我 及 完 善 自 我 的 過 程 , 所 以 , 戀 愛 過 程 中 錯 愛 不 是 問 題 。 有 時 候 , 所 謂 「 誤 會 」 不 是 我 們 錯 誤 認 識 了 對 方 , 而 是 我 們 錯 誤 認 識 了 自 己 。
戀 愛 了 , 我 們 才 知 道 , 我 們 喜 歡 戀 愛 的 感 覺 遠 甚 於 我 們 的 戀 愛 對 手 ;
戀 愛 了 , 我 們 才 知 道 , 我 們 是 多 麼 沒 有 安 全 感 的 人 ;
戀 愛 了 , 我 們 才 知 道 , 跟 進 駐 對 方 的 心 靈 相 比 , 彼 此 走 進 對 方 的 身 體 實 在 太 容 易 ;
戀 愛 了 , 我 們 才 知 道 , 自 己 真 正 追 求 的 是 甚 麼 , 自 己 真 正 缺 乏 的 又 是 甚 麼 。
我 們 在 錯 愛 中 成 長 , 無 數 次 錯 愛 , 讓 我 們 真 正 了 解 我 們 自 己 , 然 後 我 們 才 明 白 我 們 真 正 需 要 跟 甚 麼 樣 的 對 手 共 度 餘 生 。
有 些 人 期 望 一 次 戀 愛 便 成 功 進 入 婚 姻 , 這 是 不 現 實 的 。 戀 愛 , 既 是 一 個 交 心 過 程 , 也 是 一 個 磨 合 過 程 , 連 上 網 、 駕 駛 、 游 泳 這 樣 簡 單 的 事 情 我 們 都 要 重 複 操 作 才 能 得 心 應 手 , 更 何 況 跟 另 一 個 人 相 知 相 守 ?
年 少 的 時 候 , 我 渴 望 成 為 對 方 生 命 中 的 唯 一 , 同 時 , 也 希 望 對 方 是 我 生 命 中 的 唯 一 。 年 歲 漸 長 , 卻 開 始 知 道 , 一 個 人 一 輩 子 只 跟 同 一 個 人 在 一 起 , 除 非 是 真 正 的 天 作 之 合 , 緣 定 三 生 , 否 則 , 多 半 是 因 為 雙 方 都 別 無 選 擇 , 這 種 相 守 , 只 是 對 已 然 成 為 習 慣 的 生 活 方 式 的 倚 賴 。

真 正 經 得 起 考 驗 的 婚 姻 , 是 因 了 解 而 結 合 。 既 了 解 對 方 , 也 了 解 自 己 , 曾 經 滄 海 仍 為 水 。

音樂愛情觀(二)

每個人心裡都有一個拍子,是快是慢你可以有自己的選擇。不過兩個人在一起,也許就是要能好好協調這個拍子。

初相識的時候,兩人的拍子不可能盡相同,也不可能頃刻適應到對方的節奏。於是這個時候,你們會開始嘗試了解對方,會想知道對方的個性,再慢慢和對方的拍子協調。

拍子對了,彼此之間的摩擦,會因為經過協調而減少。你們可以一直平穩,直到一方跟不上節奏,就要再尋找過協調點。要是不幸,拍子錯了,你們之間少不免會有衝突。不過,在音樂上有節拍器,愛情上也有節拍器。節拍器就是一個可以使你倆協調好的人,他可以是友人,也可以是你自己,或你的另一半。節拍器的存在,可以不斷不斷地提醒著你們跟著節奏。

可是,節拍器總會有天停下來,到了這天,你可以選擇再上發條,使它繼續為你帶領節奏。或者,你可以選擇在節拍器停下來前,好好學習去協調兩人的節拍。勉強下去若跟不上節奏,到最後也落得雙雙傷透。

音樂裡,有人對節拍不太敏感,也有人天生節拍感很強;愛情也一樣,有人對愛情反應遲鈍,也有人可以帶領著關係的發展。有先天優勢,應該好好善用去愛人,或者你可以選擇默默當一個節拍器;沒有先天優勢的,更應好好學習愛情,或者你可以尋找一個適用的節拍器。


你是一個節拍器嗎?