網上交易

一直都想寫有關做網店嘅趣事同所見所聞，但似乎谷氣激氣比趣事多(笑)

最近我發現有一個好好笑嘅現象，就係好多客人都真係好唔鍾意睇字(大笑)，點解咁講？因為我發現有好多客人喺yahoo 度bid 嘢前，係完全唔想睇賣家嘅terms & conditions，例如：

1. 因為我真係越嚟越忙，無奈下只好將面交門檻由$100 改為$200，另外係，一向都唔做即日面交(因為有正職，同埋有預約時間比較容易遷就)，有D 客人睇都唔睇就買咗... 
2. 現今科技發達，好多人都鍾意用whatsapp 溝通，但我哋有時喺NaughtyPandaz 生活百貨上有D 優惠，或者係有D 條款想客人特別留意的話，如果唔用email 的話我真係唔個點比你，whatsapp 係highlight 唔到ga ma...
3. 明明已經email 晒D 資料庫 (價錢、交易方法、戶口資料、退貨條款等)，但都可以whatsapp 再問一次... (最奇怪係，明明係收到email 後，問我拎whatsapp，理應係睇到晒ga 我assume... 既然email 都唔睇，whatsapp 同一堆資料唔通會好睇D？)

另外一樣嘢，就係郵寄貨品問題

最近喺兩個大forum 度見到有人開post 講一位於yahoo 拍賣開店嘅賣家，指呢位賣家呃錢，收咗錢唔寄貨... 收錢後email 留言都唔再覆... 寄咗又好，未寄又好都冇講一聲，聽說賣家向其中一個forum 投訴，講到又話報警又話出律師信...

其實我覺得個賣家有少少過份咗，利申先，我唔認識呢件事上面嘅任何一位，但google 一下就發現呢位賣家真係勁多人喺各forum 度投訴 (數臭?) 其實如果真係寄出咗，點解唔回覆客人，令人心安D 呢？當然，客人揀得用平郵的話，就必須要有有可能會寄失嘅心理準備。冇可能因為寄失而去抹黑賣家呃人 (前題係賣家不能失蹤)...

客人如果真係擔心會被騙的話，可要求+$1.2 請賣家send 返張「投遞證明」，或者+$15.5 寄掛號，咁就安心啦

要靚唔要命 - Elyze Coolsculpting 體驗 (review)

由第一次做Elyze 嘅Coolsculpting 到而家都有大半年，覺得係時候做返個review...

點解要等大半年後先寫呢？話說NaughtyPandaz 今個月生日，Elyze 打嚟話有份birthday gift 送返比我，所以上咗去拎，同時，同返治療師傾計，其實呢幾個月入面，我有冇嘢做錯咗

首先，我要強調我由頭到尾，就算到呢一刻為止，我都唔係想怪幫我做嘅治療師，我真心覺得佢哋好好，亦解釋得好清楚

如果有睇過我之前4 個post (part 1, part 2, part 3, part 4) 的話，都會知道其實做完之後真係有瘦到，我對個效果都好滿意，但當做完晒所有療程後，喺我可以發毒誓我係冇食7 咁食咁多嘅前題下，我覺得個肚仔好似比做treatment 之前大!!!! 如果佢係反彈返去原本個size，我冇得怨，但而家係over 晒lor

當日上去拎gift 時，治療師問我做晒treatment 後覺得點，我都同佢講返以上嘅說話，同時問會唔會係因為我冇減少take in 所以反彈... 佢同我入房再除衫睇，佢都覺得太誇張... 跟住話想影低同佢partner 傾下... 到呢個時候佢同我講，我唔係第一個客反映呢件事比佢知... -__- 咁即係點呢?

當日，我係因為周慧敏個廣告：反彈●唔要，所以先會做一格，當然，治療師做training 時，佢哋公司嘅trainer 都係咁教佢哋，in my case for example，我個位做一格已經足夠，唔需要特別再節食，就會自自然減少22% 脂肪細胞... 但治療師話，佢哋早排再接受training 時，trainer 居然話，肚仔呢個位，係要做兩格先得!!!!!!!!!!!!!!!!! 因為做一格的話，部機吸唔到嘅位置就會谷起，變相只得部機吸到嘅地方 (肚臍為中心，方圓1-2cm 所右)先會凹/ 平入去，簡單d 講，做一格係冇料到

講真，如果當日治療師同我講，我呢個位要起碼做兩格先有料到的話，做一格會得到而家呢個效果的話，會反彈，甚至係彈凸的話，我會再三考慮，但而家聽到呢d，講真，係有少少著... 如果我而家真係想要效果，我由本身可以只買兩格，變咗total 買佢3 格... 咁為咩呢?

治療師都覺得好無耐... 我明佢哋唔係存心呃人... 唉...

而家惟有自己努力去跑步做運動減肥啦... 

安安燒

上星期(好似係?)去咗旺角，本來想租個格仔舖做交收，但原來而家都唔平... 唔知食乜好，本來諗住試下大門橫町，但要排隊，遊遊下就見到呢間安安燒，走咗入去試下...

呢度做四川式燒燒，即係冇得揀蜜糖雞翼呢d.... 基本上燒燒有嘅嘢佢都有.... 去相先

五花腩?? 豬頸肉??

麻辣金菇

燒栥飯

燒紫薯

牛

雞子

雞腎

牛脷 + 雞

雞翼

香港仔魷魚

墨丸+牛柳粒

芝士魚餅

朱古力香蕉

菠蘿

坐其實麻麻地舒服，有少少迫，嗰晚去佢播緊千王之王2000，感覺上好多人都係因為套戲所以坐咁耐唔走，我哋都係睇埋套戲先走 XDDDDD

我覺得燒栥飯真係好特別，仲有一個叫燒芝士栥飯，一睇都知好勁，所以冇叫到XDDD 但燒栥飯味道其實麻麻...

紫薯特別又好食，另外雞子又係好得意，最緊要係佢冇燒到爆晒 hahahahahaha... 不過我唔得個朱古力香蕉，可能因為佢用焦糖，我覺得好苦，所以挑起晒個糖先食.... 牛脷都係麻麻，薄切d 應該會好d

咁多樣加埋3 罐汽水$4xx，抵唔抵見仁見智，但鍾意重口味同辣嘅朋友可以一試

SKINC 體驗

喺12月18號，我參加咗SKINIC 嘅療程體驗：24 x 7 內外美白鍛鍊療程

其實未參加之前，我真係未聽過SKINIC 呢個名 (sorry...!)，上到去見到原來係李璧琦幫佢哋做緊代言就好似有少少印象lar... anyways，當日約時間時，先知原來呢個療程係有laser !!!! (omg !!! 驚驚) 識我嘅人都知我對laser 打落皮膚度係有超級恐懼!!!!! 但既然唔洗錢，一於上去聽下先，最多到時唔做走人啫

上到去，好有neoderm group 嘅感覺! 又係要先填form，等治療師基本了解一下皮膚同生活狀況，跟住就去照下皮膚

首先，塞個頭入去一部燈+相機度，影下相先，跟住就同治療師一齊睇電腦同相，分析返皮膚有咩問題

因為本人實在係太懶唔鍾意做facial，同埋唔鍾意攤喺度瞓兩個鐘乜都做唔到，所以... 決定比$400 (體驗價，原價$800) 去做個果酸 (合成基酸更生治療)

「24 x 7 內外美白鍛鍊療程」入面包括兩部份：laser 退班美白同埋磁穴。去到一間好似facial 房嘅地方就開始

磁穴：首先會放一條bar 喺頸後，一支喺頭隔離，方便導電，跟住治療師會用一塊扁扁平平嘅石頭去按摩塊面，以面嘅中間位起，利用磁石嘅特性，將毒素推落頸嘅淋巴位，有少少冤冤哋嘅感覺，之後就會再由中間位拉上去顴骨位

呢個過程入面，因為有條bar 喺頸同耳邊，成日都會有少少「之之」聲，做咗半邊面，會停一停比你睇下做之前同之後有咩分別

我見返個顴骨呀XDDDDDDDDDD

跟住到laser 退班美白。正如之前已講過，我真係超級無敵怕打laser，所以我特別同治療師講我唔想打咁勁... 佢reassure 我話會唔痛同埋冇Dermes 咁勁...

laser 退班美白同脫毛好唔同，laser 脫毛係一下一下「do do do」咁去，每一下只會打一次；但laser 退班美白係每打一下落皮膚都會feel 到好似爆炸糖咁，會有跳跳跳嘅感覺... 同埋前後成個面要打3 次！！！對我嚟講實在係太漫長 >_<

打完都係會紅紅哋... 

最後就係做果酸，治療師揀咗杏仁酸比我，感覺上同Reenex 做嘅差不多，不過冇Reenex 敷咁耐，大約3 mins 到就要中和，再敷個cream mask (5 mins)，可能D 杏仁酸太勁，我要勁中和先冇痛同痕嘅感覺

做完之後過咗兩日(中間只係擦sleeping mask，冇時間敷paper mask >_<)，真係覺得個面白咗同令d... 但係有一個位我懷疑係咪比佢打燶咗(呢個係點解我等到而家先出文嘅原因之一)，無啦啦黑咗暗咗

而家惟有用住concealor 遮住先... 已經同治療師聯絡中，希望只係短時間係咁啦

其實我覺得，今次雖然係試做，但治療師都好用心同埋唔係hea 我，但我最後都冇join plan，因為我覺得呢D 唔同Dermes，色班唔係做幾次就真係永遠唔會再出現返，感覺好無底深潭(個人意見)... 同埋我真係好怕個laser 呀 T_T

惟一一個位我覺得可以改善嘅係，當做完晒treatment 之後，治療師千叮萬囑一定唔可以擦美白skincare，因為怕會有chemicals 入皮膚... 但轉頭又話，做完treatment 後可即時化妝都冇問題... 唔通化妝品唔係chemicals???!!! (笑)

NaughtyPandaz 生活百貨 - 農曆新年優惠

其實本身想打第2 D 嘢(Skinc review)，但因為D 相未準備好，咁惟有出住個廣告先啦 XD

今年農曆新年嚟得特別早，所以我NYE 時冇再推優惠(Christmas offer 26號先完...) Anyways，上一次用唔到我哋Promotion 嘅朋友，可以趁今次機會嚟買嘢lar !!!

由即日開始至初十(2月9號)，購買本店「2014農曆新年優惠」內任何貨品，只要喺checkout 時填上promo code 「2014CNY」，即時可享6折優惠 (不包括運費)

請留意，Promotion 只限喺NaughtyPandaz 生活百貨(http://www.naughtypandaz.com)入面購物同付款先會有，yahoo 網店(http://hk.store.auctions.yahoo.com/hk/naughtypandaz) 並不適用！！

我自已覺得以下貨品最抵(純屬個人意見)：

名牌

• Emporio Armani 黑色 月牙 項鍊 頸鍊 原盒 塵袋 EGS1422040 (原$898，現$538.8)
• Folli Follie 紅色 HEART 4 HEART 浮雕圖案 專利二層皮 長款 錢包 銀包 連塵袋 100% real (原$499，現$299.4)
• Marc by Marc Jacobs Classic Marc Charm Black Bracelet 黑色 閃石 雙鍊 手鍊 原盒連塵袋 (原$254.5，現$152,7)
• Marc by Marc Jacobs Heart Slide Necklace 雙鍊 心心 閃石 頸鍊 原盒連塵袋  (原$203.5，現$122.1)
• Z Zegna 超軟滑 灰色 幾何印花 圓領 T-shirt 100% real  (原$750，現$450)
• 100% New & Real Fingercroxx Billionaire Boys Club 紅色 Cap 貨車 帽 Size 7 1/4 原盒 (原$450，現$270)

服裝

• Adidas Adria Low Sleek W V24146 (原$500，現$300)
• Adidas Neo Hike Low G53786 啡色 橙色 UK8.5 US9 (原$620，現$372)
• Adidas Originals Honey Hook Women's Casual Shoes (原$500，現$300)

護膚品

• Cosme Decorte AQ Crystallize Lift Mask 亮白緊緻面膜 110ml (原$399，現$239.4)
• Guerlain Blanc de Perle Cleansing Foam Brightening Pearl Perfection 150ml (原$250，現$150)
• Holika Holika Pure Mellow Skin Tuning Starter 三合一保濕精華妝前乳 35g (原$120，現$72)
• MTM Custom-blended Eye Mask 4對 (原$399，現$239.4)
• RMK Recovery Gel 修護啫喱面膜 40g (原$299，現$179.4)
• Shiseido Revital Whitening Lotion EX II 緊緻美白健膚水 75ml (原$277，現$166.2)
• SK-II Facial Treatment Essence 護膚精華 神仙水 (150ml) (原$665，現$399)
• SK-II Facial Treatment Clear Lotion 嫩膚清瑩露 (150ml) (原$310，現$186)
• Sulwhasoo 雪花秀 First Care Activating Serum 潤燥精華 60ml (原$460，現$276)
• Sulwhasoo 雪花秀 Gentle Cleansing Oil 順行潔顏油 200ml (原$230，現$138)
• Synergie Skin Vitamin A Night Serum 維他命A 精華 (原$299，現$179.4)
• Vichy Normaderm Total Mat Fresh Hydrating Gel 控油啫喱 30ml (原$185，現$111)
• Vichy Lift Activ Serum 10 肌源再生10號精華 30ml (原$279，現$162)

其他：

• Baby Milo x Chocoolate 7週年限量紀念 地毯 (原$260，現$156)
• Baby Milo x Chocoolate 7週年限量紀念 Coins Bag Pouch 散紙包 (原$150，現$90)
• Viva La Juicy Noir EDP 香水 30ml (原$380，現$228)
• 韓國 Dowul BB 有機小食 (士多啤梨/ 巧克力/ 粟米) (原$35，現$21)