好耐之前知道伍樂城會有個作品展嘅時候，已經托同事八卦問霆鋒會唔會出現。本來想買飛入場ga (真心!!!!)，但係男友嗰晚要做嘢，所以拎咗個pass 比我自己入去睇 =D
好好彩，有朋友公司係今次演唱會嘅其中一個協辦，亦都因為呢個原因，佢突然有兩張飛多出嚟可以比我坐低睇 (感動)，我一直以為自己要企足全場ga T_T
So far 3 個作品展 (wyman，mark，56x) 我都有去，感覺上wyman 同56x 都好似，如果問邊一個最好，一定係wyman，其次係56x，跟住就係mark。因為wyman 同56x 都可以叫到一班n 年冇公開喺香港唱歌/ 已經唔再唱歌嘅歌手出嚟唱；另外，佢哋嘅歌真係好多都勾起好多人嘅回憶，令到人超級想去唱k
 |
| Concert YY 黃偉文作品展 |
mark 個show 做得冇咁好嘅地方，一嚟係因為佢冇歌詞板 (我自己覺得呢個好重要，唔係每個人首首歌都識ga ma)，有歌詞板觀眾好多時都可以跟住一齊唱，氣氛會好好多，今次56x 都有歌詞板 =D
聽說好似今年仲會有多一個作品展，對於從來都唔留意曲詞編監嘅我，其實真係唔係好估到會有咩人會去 (呃，知一個應該會出現)，希望嚟緊呢個都會一樣咁精彩啦
