轉咗去新公司兩個幾月,尋日我哋去咗我另一男神,Gordon Ramsay 嘅Bread Street Kitchen & Bar
同Jamie Oliver 嘅Jamie's Italian 一樣,都係要做online reservation,亦都係要預早好多好多好多去make reservation!!!! 我哋早差不多3 個星期就試book,尋日食完幫老闆再book,lunch 的話最快都要下年1 月8 號先有得食 T_T
Address:Mezzanine Level, LKF Hotel, 33 Wyndham Street Central, Hong Kong
Chicken Caesar salad, pancetta, anchovies, soft boiled egg, aged Parmesan |
Tamarind spiced chicken wings, spring onions, coriander |
Flat bread, caramelized onions, taleggio cheese, cured pigs cheek, basil pesto |
Bread Street Kitchen short rib burger, Monterey jack cheese, spicy sriracha mayo |
Rib-eye steak 12oz |
Battered Barramundi, crushed peas and chips |
首先,價錢以lunch 嚟講,真係唔平,閒閒哋都過百
Chicken Caesar salad - 有睇過Hell's Kitchen 嘅應該都知,Gordon Ramsay 話過,整Caesar salad 係唔可以有太多sauce,喺碟度冇sauce 先合格。D 菜超甜,好新鮮
Tamarind spiced chicken wings - 雞翼同Jamie's Italian 相比,我個人比較鍾意Jamie's Italian 個味多D,感覺上Jamie's Italian 個味比較濃,辣同酸味都比較突出
Flat bread - 我唔係咁鍾意個名,可能因為有我超唔鍾意食嘅洋蔥,餅底好薄好脆
Short rib burger - Sriracha mayo 個味好得意,肉唔鞋,好juicy,有少少hand cut chips on side,一定要試,真係好好味
Rib eye - 呢個係必定要食,因為實在係超.好.味!!!! Juicy 唔在講,仲要好軟 >_< 唔落sauce 都得
Battered Barramundi - 個魚好滑,hand cut chips 同burger on side 一樣
4 個人share,食完飽到晚飯都冇食到,到而家我仲對個rib eye 極度念念不忘 T_T 如果有機會再去就好lar...