要靚唔要命 - Elyze Coolsculpting 體驗

前晚，終於去咗Elyze 做第一次嘅冷凍溶脂 Coolsculpting !!!

其實都唔可以話係體驗，因為Coolsculpting 係冇得試做，我係買咗package 去做嘅

Anyways，其實我已經喺Dermes 度做咗幾年laser，對Elyze 嘅了解係由一個喺入面做營養師嘅朋友 + Dermes 治療師嘅親身體驗，聽落睇落覺得唔錯，所以去日本前我約好咗上去Elyze 度真真正正咁去了解，亦因知道5 月開始成個Neo Derm Group 都加價，所以當晚都即拍板比錢去做!!!

治療師本身話我其實可以唔洗做，但個個女仔都會對自己身上某D 地方唔滿意ga la，而我最唔滿意就係個肚腩!!!! 但又的唔起心肝去做運動 >_< 而家比少少錢又可一了百了!!!

Elyze Coolsculpting 係逐格逐次去計，我而家個package 係包一格一次 + 見營養師 + 收緊

當我以為可以舒舒服服咁坐喺度，一了百了咁解決呢個問題嘅時候，我發現... 我錯lar !!!! T_T

換完衫，又要再做多次儀器分析，之後就入房等做Coolsculpting !!!

部機有d 似做Dermes 嗰部....

未開始前真係有d 驚，因為之前了解嘅時候，知道係會好凍，但點樣冷法真係想像唔到 >_<

開始做之前，治療師又會再一次度身，一路度一路做返marking，之後會影相做record

坐低之後，治療師放一張Coolgel 紙膜喺我肚肚上面... 目的係以防儀器凍傷肚肚...

跟住，(我覺得)可怕嘅事情就發生lar !!! 

治療師將儀器機頭放落我肚肚上面，個機頭一吸，就啜晒d 肥肉入去個杯杯度，坦白講，頭5 分鐘真係有d 痛，我覺得痛嘅感覺大過凍，可能因為佢啜得太實，但之後會慢慢適應，唔會再有感覺，去到中段我仲瞓著咗tim !!

我真係太肥... 滿滿一杯 T_T 抵晒

大約一個鐘到就做完lar，(瞓咗陣好舒服 =D )，當治療師拎開個機頭嘅時候，就會見到舊肉肉凸咗出嚟 O_O 有d 紅，跟住治療師就幫我輕輕按摩+用熱毛巾舒緩下。因為我本身係一個怕痛嘅人，雖然治療師已經係好輕力，但我覺得個肚肚好似比人大力搣咁樣 -_-" 好痛好痛，同埋好凍好凍

治療師話嚟緊呢個星期入面都會有少少痛同麻嘅感覺，係正常嘅，但記得千萬千萬唔可以食消炎藥，因為食咗消炎藥的話效果會冇咁好

雖然話要過個幾月效果先會明顯，但其實我已經覺得好似平咗少少 (心理作用?)，希望真係可以一take 過搞掂唔洗再做la !! XDDDD 我唔想再痛多次呀