離L 晒譜Yahoo 團購 - I Love Beauty (updated on 19th Sept 2015)

I Love Beauty/ I Like Beauty 呢單嘢搞咗我成兩個幾星期(正式嚟講應該係2 個月有多，由我當日買咗團購開始計)，9月11 號「終於」都覆我，比咗個電話 (6764-6636)我叫我打去問關於refund 嘅事

但個電話打咗大半個鐘都係「你所打嘅電話暫時未能接通，請你遲d 再打過嚟」

我仲有咩好講呢？上網google 一下，原來呢個電話係可以book 一間間叫做I Do Beauty，打去問，原來係投訴電話嚟... 下? 投訴電話都唔開/ 收唔到咁請問放出嚟做咩呢?

剛剛終於，真係終於，佢哋office 嘅人打嚟話，只可以比我調去第二間分店(即I Do Beauty)度做，一開始又話而家可以直接幫我約，但過一陣係叫我自己打去約

搞咗咁耐，我真心冇心情亦冇興趣再去做，就算唔洗加錢做10 次我都唔會做得開心，要人投訴先「皇恩浩蕩咁offer」比你有咩意思?

講到尾，原來呢個staff (Tracy) 係未了解晒成件事嘅發展，明明自己同事上星期六晚話「我哋好樂意refund 返比你」佢自己都唔知，我話比返段錄音佢聽佢又唔敢

而家又話要「再了解下先」，後尾又問我拎錄音，我開初係應承，但之後諗諗下，比完你咪又係搞一輪又話唔退錢唔認有「只想做新客，唔想做團購」呢件事，為咗唔想再同佢哋糾纏，我決定等海關回覆

到咗星期四(17號)，海關終於都打嚟約下星期見面錄口供，希望只講埋最後呢一次，因為我真心覺得好攰

I Love Beauty/ I Like Beauty/ I Do Beauty (我已經唔知邊間打邊間)尋日又打嚟，又重提要我send 錄音，言語間比我感覺覺得佢想拋我「其實你咩都冇喺手」，同埋仍然話唔退錢，咁喺人返工時間打嚟做咩呢？

我已經覺得冇所謂，你話冇咪冇lor，既然係冇誠意和解，咁我惟有下星期抽時間見海關傾下

離L 晒譜Yahoo 團購 - I Love Beauty

真心嬲嬲豬

平日得閒都會上Yahoo 團購睇下有咩筍嘢新奇嘢，7 月8 號見到呢間I Love Beauty 有個$178 兩次100 分鐘泰式按摩＋肩頸＋熱石腳，覺得抵，買咗兩張coupon 打算同阿姨一齊試下

當日買咗即時打去約時間，當時我已表明想兩個一齊做，職員話暫時冇，成個月都冇O_O 又話佢哋每次只出兩個星期嘅更表(已經好奇怪，8 號又會睇到月尾)，叫我下星期再打去，或過留電話，幫我wait，如有人cancel booking 會即call 我，或出新更表的話會盡量優先幫我mark 期

如是者，由7 月8 號一直到今日，9 月2 號，平均每個星期我都最少打兩次去試book

7﹣8 月，職員一直只係話「兩位同時做，好難book 到」，直至8 月中時，職員先話「我哋只得一位師傅做泰式，點都冇可能兩位同時做」，咁我哋惟有各自各book，次次打去都話冇，都係叫我留電話，又係「如有人cancel booking 會即call 我，或出新更表的話會盡量優先幫我mark 期」

但到尋日都仲係book 唔到 !!!! 個職員話「冇可能個個客都留電話跟住一出更表就幫你mark 期」，what? 唔通我之前咁多次都係幻聽？叫我「聽日再打嚟，應該聽日出更表」

呢兩個月，有幾次我一開始冇表明自己係用團購優惠時，佢哋會問我想book 幾時，但當我話係用團購優惠時即時同我講「full 晒」，「冇位」！！！！！

所以，今日我決定比最後一次機會佢哋，當然又係話冇位full 晒啦

於是，我隔兩個鐘頭後，再打去，今次扮新客問做相同嘅服務，居然可以係book 到聽日！！！！ 

真係忍無可忍，問過律師朋友，呢間I Love Beauty 已經breach 咗商品說明同埋商品銷售條例

同Yahoo 投訴，Yahoo 話要同呢間嘢傾睇下肯唔肯退錢 (怒)，兩個月都book 唔到第一次，比著其他團購網站老早就退咗，今次真心對Yahoo 失望

我已經分別向消委會同海關投訴，必要時會將所有錄音send 比佢哋作為證據

心淡

最近對某D 人覺得好心淡

口口聲聲話大家係朋友，但點解朋友會喺呢D (對我嚟講) 嘅重要事上講大話呃我呢？

從嗰日開始，我唔會再當你哋係我朋友，只係會認識嘅人

Time to stop?

Guess it's time to stop

德國 Coca Cola Personalised 自訂 訂製 個人化 名字 玻璃瓶 可樂瓶 可樂樽 200ml

我... 都唔知應該再講D 咩好-_-

講真，成個cny 我其實都好似冇乜點休息過，基本上每一日都同agent 對單、問情況、覆客email 同留言... 差不多晚晚發夢都夢見堆tracking number...

今朝收到一箱貨... 但有半箱又係重覆以前嘅單... T_T 即係我無啦啦又比多咗shipping 錢，但又唔sure 可樂公司係出錯貨定係出多貨...

另外，就係2015 年1 月時寄嘅貨，唔知係咪之前德國郵政比錯單號之後佢哋搞亂咗，今日收到嘅同我D 貨唔match... 咁樣我同d 客交待唔到ga wor

唉... 點解我咁黑仔... -_-

而家惟有

1. list 晒堆現貨出嚟:
   自家網站
   淘寶
   
2. 2 月25 號後暫停代購