陶珠小手工

上星期趁住有幾日假期，去咗上陶珠首飾...

未開始前以為好易，因為可以喺指定時間內任做，做到幾多就可拎幾多返去，等我個心仲諗住整一套(necklace + bracelet + earring) 咁拎走...

原來做陶珠係一件好攰嘅事，由將d 陶泥搓鬆開始，到整花紋，再搓自己想要嘅形狀，樣●樣●都●要●力 >_<

老師教咗我哋做5 瓣同6 瓣花，其實我覺得唔整花，就咁將兩隻唔同嘅顏色撞埋一齊出嚟類似雲石紋咁都幾靚吖

喺1 個鐘頭入面整咗咁多，之後就要拎去燒

呢d 係我今次嘅作品。我拎比好多人睇過，一開始會話「嘩，好靚呀」之後嗰句就係「點解對對都大細邊嘅？」

嗱，你咁樣講好唔encouraging lor >_< 

其實我仲想再整，想喺屋企整，但最衰冇爐，唔知有冇d細爐賣同幾錢呢?如果有人知道的話唔該話我知吖

自從整完陶珠之後，就好想再整accessories... 所以尋日就走咗去SSP入貨...

今次所有嘢都係現成，唔會再大細邊ga lar >_< 等我整完之後再post 出嚟 la